யாழ்ப்பாணம் பழைய பூங்கா வீதியில் உள்ள மாவட்ட முகாமைத்துவ திறன் மேம்பாட்டு பயிற்சி நிலையத்தில் ஜெய்ப்பூர் கால் செயற்கை மூட்டு பொருத்துதல் முகாம் அடுத்த வாரம் ஆரம்பமாகவுள்ளது.
இந்திய துணைத் தூதரகம், யாழ்ப்பாணம் பகவான் மகாவீர் விக்லாங் சகாயதா சமிதி (BMVSS)/ஜெய்ப்பூர் ஃபுட் இந்தியாவுடன் இணைந்து ஜூன் 4முதல் 20 ஆம் திகதி ஜூன் வரை செயற்கை மூட்டு பொருத்தும் முகாமை நடத்துகிறது.
இது தொடர்பில் இந்திய துணைத் தூதரகம் வெளியிட்ட செய்திக் குறிப்பில்,
வடமாகாணத்தைச் சேர்ந்த 350 பயனாளிகளுக்கு செயற்கை கால்களை வழங்குவதற்கு இந்த முகாம் அமைக்கப்படவுள்ளது.
இந்த முகாம் இந்திய அரசாங்கத்தால் ஆதரிக்கப்படுகிறது. மற்றும் உடல் ஊனமுற்றோரின் உடல் மற்றும் சமூக-பொருளாதார மறுவாழ்வுக்காக செயல்படும் இந்திய அரசு சாரா நிறுவனமான பகவான் மகாவீர் விக்லாங் சகாயதா சமிதி (BMVSS) மூலம் நடத்தப்படுகிறது. 1975 ஆம் ஆண்டு நிறுவப்பட்ட ஜெய்ப்பூரை தளமாகக் கொண்ட தன்னார்வ தொண்டு நிறுவனம், செயற்கை கால்கள் மற்றும் பிற தொடர்புடைய உதவிகளைப் பொருத்துவதில் மாற்றுத் திறனாளிகளுக்கான உலகின் மிகப்பெரிய அமைப்பாகும்.
வடமாகாண பிரதம செயலாளர், அரசாங்க அதிபர் மற்றும் மகளிர் விவகார மற்றும் சமூக சேவை அமைச்சின் அலுவலகங்களின் ஆதரவுடன் இந்த முகாம் ஏற்பாடு செய்யப்பட்டுள்ளது. பயனாளிகள் அதே நாளில் பொருத்துதல் சேவைகளைப் பெறுவார்கள். சிகிச்சை முற்றிலும் இலவசம். இதுவரை பதிவு செய்யாத மற்றும் தற்போது சேவைகளைப் பெற ஆர்வமுள்ள நபர்கள் யாழ்ப்பாணம் மகளிர் விவகார மற்றும் சமூக சேவை அமைச்சுடன் தொடர்புகளை ஏற்படுத்திக் கொள்ளலாம்.
இந்திய துணைத் தூதரகம், யாழ்ப்பாணம், இந்த முகாம் வெற்றிகரமாக நிறைவேற்றப்படுவதையும், அது வடமாகாண மக்களுக்கு சாதகமான தாக்கத்தை ஏற்படுத்துவதையும் எதிர்பார்க்கிறது – என்றுள்ளது.