முன்னாள் அமைச்சரும் நாடாளுமன்ற உறுப்பினர் நாமல் ராஜபக்ஷ இந்தியாவுக்கு இரண்டு நாள் விஜயம் செய்யவுள்ளார்.
அயோத்தி ராமர் கோவிலுக்குச் செல்வதற்காக தனிப்பட்ட பயணத்தை மேற்கொள்ளவுள்ளார். அவரது பயணத்தின் சிறப்பம்சமாக 9ம் திகதி மாலை ராமர் கோவிலில் சிறப்பு தரிசனம் மற்றும் பூஜை ஏற்பாடு செய்யப்பட்டுள்ளது.
அயோத்தி மற்றும் டெல்லியில் தங்கியிருக்கும் போது, நாமல் ராஜபக்ஷ தனிப்பட்ட அளவில் இந்திய உயரதிகாரிகளை சந்திப்பார் என்று எதிர்பார்க்கப்படுகிறது.
நாமலின் அயோத்தி ராம் மந்திர் பயணம், இலங்கைக்கும் இந்தியாவுக்கும் இடையிலான கலாசார மற்றும் மத உறவுகளை வலுப்படுத்துவதற்கான அவரது அர்ப்பணிப்பை பிரதிபலிக்கிறது, மேலும் இது உள்நாட்டிலும் சர்வதேச அளவிலும் கவனத்தை ஈர்க்கும் என்று எதிர்பார்க்கப்படுகிறது.