கொழும்பு மாநகரில் 558 மரங்கள் ஆபத்தானவையாம்!

கொழும்பு மாநகரில். நூறு வருடங்களுக்கு மேற்பட்ட 558 மரங்கள் ஆபத்தானவை என அடையாளம் காணப்பட்டுள்ளதாக கொழும்பு மாநகர சபையின் ஆணையாளர் பத்ராணி ஜயவர்தன தெரிவித்துள்ளார்.

அவற்றில் 214 மரங்கள் கொழும்பு மாநகர சபையின் தலையீட்டின் மூலம் அகற்றப்பட்டுள்ளதாகவும் ஆணையாளர் தெரிவித்தார்.

“மற்ற நகரங்களுடன் ஒப்பிடுகையில், கொழும்பில் அதிக மரங்கள் உள்ளன. மற்றும் சில மரங்கள் 100 ஆண்டுகளுக்கு மேல் பழமையானவை. இந்த மரங்களை பாதுகாக்கும் முயற்சியில் கிளைகளை வெட்டி மரங்களை சமப்படுத்த கொழும்பு மாநகர சபை பெரும் முயற்சியில் ஈடுபட்டுள்ளது.

“ஆபத்தானதாக அடையாளம் காணப்பட்டுள்ள மரங்களைத் தவிர, கொழும்பு நகரில் உள்ள ஏனைய மரங்களும் விழும் அபாயத்தில் உள்ளன. கொழும்பு, கறுவாத்தோட்டம், கிரிகோரிஸ் வீதிக்கு அருகில் பாரிய மரம் ஒன்று வீதிக்கு குறுக்கே விழுந்ததில் கொழும்பில் மரங்கள் முறிந்து விழுவது தொடர்பில் மீண்டும் பேசப்பட்டது. இதற்கு முன்னரும் கொழும்பில் பல வீதிகளுக்கு குறுக்கே பல மரங்கள் விழுந்துள்ளன” என ஆணையாளர் ஜெயவர்தன தெரிவித்தார்.